Што се случува кога физичар гледа филмови на Марвел?

Мичио Каку, научник, претставник на теоријата на струни, популаризатор на науката, филмски критичар… Да тргнеме од почеток – што по ѓаволите е теоријата на струни?

What is string theory? An astrophysicist explains one way the universe  might work at the fundamental level - ABC News

Веќе пишувавме на оваа тема, но накратко теоријата на жици (струни, нишки) е една од најтешките за разбирање теории во физиката, и иако не може да се потврди експериментално, математички е сосема точна и научно објаснува многу феномени кои други области од физиката не можат да ги објаснат. 

Теоријата на жици го опишува универзумот како составен од елементарни честички кои се всушност вибрации на струни, при што секоја честичка има сопствена вибрација. На ист начин со различни вибрации на жици на инструментите се создаваат различни ноти.

Освен тоа, таа е единствениот веродостоен кандидат за Теорија на сè, како помирување помеѓу физиката на малото и на големото – светови во кои владеат сосема различни сили кои не се совпаѓаат.

Мичио Како, научник кој е најпознат пропонент и теоретичар на оваа теорија, во следново видео на интересен начин не воведува во оваа теорија и нејзините принципи на примерот на Локи, новата серија од Марвел, за која веќе пишувавме, како и на други Марвел филмови.

Everything and Beyond - Rafu Shimpo

Во стилот на нашиот омилен популаризатор на науката и критичар на СФ филмовите од научен аспект, Нил Деграс Тајсон, Мичио ја анализира научната поткованост на Локи. Изненадувачки, тој ги потврдува речиси сите научно-фантастични постулати на оваа серија, се разбира освен тој за „Чуварите на времето“. 

Интересна е и забелешката дека првиот филм на Марвел кој сериозно (освен со митологија) се занимавал со прашањата од квантна физика или теорија на нишки бил филмот Тор.

Напишете коментар

Вашата адреса за е-пошта нема да биде објавена. Задолжителните полиња се означени со *