Стрип конкурс „Кое е твоето чудо?!”

Мрежа Стела и Националниот младински совет на Македонија (НМСМ) ги повикуваат сите стрип автор(к)и и илустратор(к)и да учествуваат на наградниот конкурс „Кое е твоето чудо?!”. Овој конкурс има за цел да поттикне дискусии за родовата еднаквост преку уметност.

Зошто да учествувате?

Имате можност да го претставите својот талент и да поттикнете позитивни општествени промени преку своите дела. Конкурсот е дел од проектот „Еднакви можности за девојчиња и млади жени во Северна Македонија“, спроведен од НМСМ и Мрежата Стела, со финансиска поддршка од Британската амбасада во Скопје. Проектот цели да ги отстрани пречките и стереотипите, отворајќи нови можности за девојчињата и младите жени.

Критериуми и теми

Добредојдени се сите стилови, од традиционални техники до дигитална илустрација. Приказните може да бидат на еден или повеќе панели (1 до максимум 8 табли). Во конкуренција се само досега необјавувани авторски стрипови.

Теми кои се претпочитаат (не исклучиво) се: промоција на еднакво општество, солидарност и поддршка, надминување на родови стереотипи, борба против дискриминација, зајакнување на женските права, права на ЛГБТИ+ заедницата, феминизам и активизам.

Наградниот фонд изнесува 85.000 денари!

Од пристигнатите дела ќе биде организирана изложба, каде што ќе се прогласат наградените стрипови, а учесниците ќе добијат сертификати и дипломи.

Како да се пријавите

Испратете ги вашите дела на chudostrip@gmail.com до 20 август 2024, со назнака „Пријава за награден конкурс за стрип „Кое е твоето чудо?“.

Придружете се во поддржувањето на родовата еднаквост преку уметност!

Повеќе информации тука.

Додајте го Арно како претпочитан извор на Google

Читајте нè бесплатно на Viber

Напишете коментар

Вашата адреса за е-пошта нема да биде објавена. Задолжителните полиња се означени со *