Социјалните мрежи и тинејџерите – добра или лоша врска?

Девојчињата и момчињата се поранливи на негативните ефекти од социјалните мрежи во различни периоди од тинејџерските години, според истражувањето објавено од страна на меѓународен тим научници, вклучително и експерти од Интернет институтот во Оксфорд.

Студијата е објавена на 28 март 2022 во списанието Nature Communications и податоците од Англија покажуваат дека кај девојчињата постои негативна корелација помеѓу користењето на социјалните мрежи и општото задоволството од животот на возраст од 11-13 години, додека кај момчињата тоа се случува подоцна, на 14-15 години. Зголемената употреба на социјалните мрежи, исто така, предвидува дека истите тинејџери ќе бидат помалку задоволни во животот кога ќе станат возрасни, по 18-тата година.

figure 3
Графикон од истражувањето објавено во Nature Communications

Ова сугерира дека чувствителноста на користењето на социјалните мрежи може да биде поврзана со развојните промени, т.е. пубертетот и можеби со промените во структурата на мозокот, кој се јавува подоцна кај момчињата отколку кај девојчињата.

Социјалните медиуми го променија начинот на кој младите го поминуваат времето, споделуваат информации и разговараат со другите. Ова доведе до широко распространета загриженост за потенцијалното негативно влијание на истите. Сепак, дури и по долгогодишно истражување, сè уште не постои научен доказ за тоа како социјалните медиуми влијаат на квалитетот на животот.

Тимот ја истражувал врска помеѓу употребата на социјалните мрежи и задоволството во животот. Заклучокот е дека зголеменото користење на интернетот кај тинејџерите предизвикува помало задоволство од животот подоцна. Сепак истражувачите признаваат дека прашањето е комплексно и зависи од многу повеќе фактори за кои се надеваат дека во иднина ќе ги истражат повеќе.

Додајте го Арно како претпочитан извор на Google

Читајте нè бесплатно на Viber

Напишете коментар

Вашата адреса за е-пошта нема да биде објавена. Задолжителните полиња се означени со *