Загадувањето не спие во „летен сон“

Да се потсетиме на загадувањето кое во нашата држава е на високо ниво во текот на целата година. Се разбира, во текот на летата не е екстремно колку зимно време, но повторно е над светските норми.

Снежана Василевска пишува за загадувањето и за личната одговорност како граѓани и прави интересна листа на работи кои можеме да ги направиме индивидуално, а вклучуваат носење на платнени торби за пазарење, селектирање отпад, намалување на купување на производи во амбалажи итн.


„Прогласени сме за најзагадена држава во Европа, знаеме ние, знаат надлежните, а работите стојат во место.

Дали и колку моќ имаме ние граѓаните?

Засега не многу, но полека растеме; а додека да се оснажиме доволно за да можеме да ги алармираме големите индустрии, градските лидери, државата, ајде да си го вклучиме внатрешниот аларм – на најјако!

Да размислиме дали е во ред од други да бараме да ги исполнат своите обврски, ако сами не сме ги исполниле нашите. Не верувам дека во групава има некој што расфрла по улици и паркови, но дали е тоа доволно?

За да направам лична проверка, ,,скинав’’ лист од електронскиот бележник и направив дневник на активности поврзани со отпадот и загадувањето. Не можам да кажам дека сум задоволна од резултатот. Но можам да си ветам дека на листот за утре нема да ги има црвените крвчиња.“


Додајте го Арно како претпочитан извор на Google

Читајте нè бесплатно на Viber

Напишете коментар

Вашата адреса за е-пошта нема да биде објавена. Задолжителните полиња се означени со *