|
|
МЛАДА МАКЕДОНСКА ПРОЗА
Тектонски потреси
..................................................
Сотир Ристо
Ќелавко
Ќелавко долго размислуваше за
животот, од тоа и исќелави. На неговата жена ù беше ужасно
досадно, таа постојано го советуваше да преземе нешто, но
што? Нејзиниот восхит кулминираше гледајќи планинарење и
охридски маратон; нејзиниот маж не се помрднуваше.
Тој толку многу го промисли животот што изгуби секаква
волја, за живот. Неговата жена ја исцрпи целата своја
фантазија, но никако да го оттргне од мрзата во која беше
пропаднал. Ниту групните скокоткања (на жената и децата) не
дадоа поголем резултат. Ќелавко продолжи да го осмислува
животот.
Еден ден тргна од точката А до точката Б. Жената и децата
навиваа и го охрабруваа. После тоа од точката Б тргна до
точката Ц. Предупредувањата за опасностите го направија
порешителен во намерата.
|
|
|
