Групата „Размена на книги“ ве повикува на размена на книги и книжевни муабети во Metanoja Literary Café во сабота во 19 часот.
„Размена на книги“ е најголемата група на социјалните медиуми поврзана со литературата и културата на читањето книги. Таа брои 30 илјади членови.
Oсвен првичната намена, размена на книги, во групата се препорачуваат автори и нивните дела, се дискутира за истите, авторите се промовираат итн.
Не се знае точниот број на размени кои се организирани преку „Размена на книги“, но во разговор со Nadin Ilieaux, основачот на групата, дознавме дека до сега се веројатно организирани околу педесет размени во повеќе градови низ Македонија. Групата постои веќе 9 години.
Во „Размена на книги“ секојдневно има десетици постови и активноста не сопира, што зборува за љубовта кон книгите на членовите и дека книгата можеби не е заборавен медиум во нашата средина.
На 15.03. (петок) е прес-конференцијата за доделувањето на наградата за „Роман на годината“, за која скоро пишувавме во два наврати, па и тоа ќе биде интересна тема за љубителите на пишаниот збор на оваа размена на книги и книжевни муабети.