ГРРФТ е независен македонски магазин посветен на графитите како форма на визуелна комуникација, урбана уметност и културен документ. Магазинот ги истражува графитите не само како естетски израз, туку и како сведоштво за времето, градот и генерациите што ги оставаат своите траги на јавниот простор. Магазинот произлегува директно и главно од активностите на групата Графит.мк и порталот Арно.мк.
ГРРФТ магазинот се фокусира на графити и улични интервенции во Скопје и други градови во Македонија, со повремени осврти на регионалната и меѓународната сцена. Содржината комбинира документарна фотографија, авторски текстови, есеистика и архивски пристап.
Концепт и уредувачка насока
Магазинот пристапува кон графитите како кон урбана археологија – слоевит процес на создавање, бришење и повторно испишување на градот. Посебно внимание се посветува на:
- историјата и еволуцијата на локалната графити сцена
- односот меѓу уметноста и вандализмот
- социјалниот и политичкиот контекст на графитите
- исчезнати, префарбани или уништени дела
- нови генерации автори и нивниот визуелен јазик
ГРРФТ не е водич за цртање графити, туку културно-документарен магазин со истражувачки и архивски карактер.
Формат и периодичност
ГРРФТ е периодична публикација во нумерирани броеви. Секој број претставува самостојна тематска или документарна целина.
- Формат: дигитален и печатен магазин (PDF / веб-издание)
- Јазик: македонски
- Периодичност: еднаш годишно
Издавач и уредување
Издавач: Капка ТП Скопје
Главен уредник: Бранко Прља
Редакција: Бранко Прља, Го Це Тунт, Небојша Гелевски – Бане, Берт Стајн, Исак Сима, Вики Ли
ГРРФТ е независен проект, без институционално финансирање, создаден со цел долгорочно архивирање и документирање на урбаната визуелна култура.
Архива на броеви
#1 2024
Содржина:
- Познати МК графитџии
- Графити кои ги нема
- Графити од другата страна на Вардар
- Најголем графит во Македонија!?
- Графит-приказна за Раjна Мичуринска
- Има ли во Скопје стeнсили?
- Најбројни графити
- Навивачки графити
- Муралот како посвета…
- Ангажирани графити
- МК книга за графити
- Симболи
- Други градови?
- Уметници стануваат графитџии
- Бетонски ѕитчиња
- Продавница за графитџии
- Градежен факултет
- За краj… мапа на графити
#2 2025
Содржина:
- ХРОМ: приказна за еден урбан графитџија и неговиот графити шоп во скопје
- ВУТАР: Скопје во тагови и рими: Вутар од ЕБСФ
- РАСК: Разговор со бељаџијата RASK, цртач на графити од екипата ЕБСФ
- Графити времеплов: 30 години македонска улична уметност
- Зипер: Од празен ZIP фајл до DreadCrew: разговор со графити цртачот Зипер
- Графит.мк: 1 година од архивата на СК/МК графити
- UNC: Графити во Кавадарци: уличната уметност низ призмата на UNC
- АРИС: галериjа на графити цртачи: арис
- SRK: Галериjа на графити цртачи: SRK
- Зорк 31: геометрија што оживува на ѕидот
- Берт Стајн: „Ѕидови што зборуваат: графити приказни од скопските улици“
- Дамир Ујкановиќ: интервју со дамир ујкановиќ: уметност од прашина
- Графити Маало: Графити Маало, уметноста и вандализмот „во филм“
- Графити и возила: симбиоза на уметност и урбано движење
- Графити какo сценографија: спотот Bolji Zhivot на Dre x Puka Kozmetika x DJ Slave