Посетете ја групата Графит.мк и споделете фотографии на графити, уште подобро ако сте автор!
Целта на групата е да се направи архива на графити од Македонија, бидејќи графитите се вид ангажирана уметност, сведожба на едно време и на духот на народот.
Групата понатаму ќе се користи за промовирање на графити уметниците. Затоа се препорачува во групата и да се наведуваат имињата на авторите, а може и да се наведе приказната зад конкретниот графит (ако се познати).
Локација: Скопје, Ново Лисиче, во близина на детската улица „Тоше Проески“
Графитите се дел од културната мапа на Македонија и Скопје и затоа е значајно нивното архивирање.
Се препорачува во групата да се споделуваат интересни, провокативни, креативни графити, а да се избегнуваат шовинистички, графити на лични имиња, населби и слично.
Правилата за објавување во групата се:
- Фотографија
- Текст – тоа што е напишано на графитот, ова е корисно за пребарување понатаму
- Опис – во случај графитот да не е текстуален
- Локација – град, населба, објект, улица, во близина на што се наоѓа…
Дополнително, членовите можат да додадат:
- Име на авторот на графитот
- Локација од Google Maps
Правилата се исти како и во сите групи, од членовите се бара да бидат културни и да ги почитуваат другите.
Оваа група е дел од нашите напори за архивирање на модерното културно наследство. Спроведовме неколку вакви акции со времепловот низ наградата „Роман на годината“, времепловот низ развојот на астрономијата во Македонија, како и архивирањето на „Контрапункт“ и „Точка“ (значајна културна иницијатива од раните 2000-ти), како и архивата на првиот онлајн конкурс за литература во МК, „Електролит“. Продолжуваме понатаму!