ЕЛЕКТРОНСКО
СКОПЈЕОТВОРЕН ГРАДСКИ АРХИВ
ГРАДСКИ АТЛАС / 1990—2008 СК / 41.99° N

ЕЛЕКТРОНСКО
СКОПЈЕ↗

Клубови, журки
и привремени простори.

Следи ги адресите. Отвори ги флаерите.
Додај го она што го паметиш.
31 МЕСТА ВО ГРАДОТ64 АРХИВСКИ ЗАПИСИ1990—2008 ГОДИНИ НА СЦЕНАТА МАПА ШТО СЕ ДОПОЛНУВА
ГЕОГРАФИЈА НА ЕДНА СЦЕНА
✛ СКОПЈЕ MK / 01
Локација на објект Приближен маркер
9 маркери · другите места се во индексот
ЛИЧНИ СЕЌАВАЊА / ЗАЕДНИЧКА МЕМОРИЈА

Ти беше таму?
Стави го на мапа.

Точниот влез. Името на диџејот. Журката што ја нема на флаер.
И малото сеќавање може да ја дополни приказната.

ЗА ПРОЕКТОТ / 03

Градот се чита
и преку ноќите.

Разгледај ги трите изложби ↗

„Електронско Скопје“ ги поврзува клубовите, кафулињата, театрите и привремените простори низ кои се движела електронската сцена. Флаерите ги чуваат најавите; луѓето ги чуваат приказните.

Мапата е отворена за дополнување. Дел од маркерите означуваат приближна зона, а не точен дуќан или влез. Местата без координати остануваат во индексот, заедно со она што досега го знаеме.

Извори и благодарност +

Благодарност до сите што споделија флаери, фотографии, информации и лични сеќавања и помогнаа да ги поврземе местата, луѓето и настаните на скопската електронска сцена.

Посебна благодарност до Билјана Кочоска (Japan@mk), чија лична архива беше појдовна точка за изложбите, до ФБ-страницата „In loving memory of The Club“ ↗, како и до Leni von Geleva, Горан Костовски (ind.o.g) и Катерина (Mileskaya) за споделените материјали, насоките и поддршката.

За информациите, просторните траги, сеќавањата и корекциите во ФБ-дискусиите им благодариме и на Андреј Марјановиќ, Васил Буралиев, Дарко Атковски, Тони Димитров, Александра Симова, Танија Иванова, Ѓоко Карајановски, Роберт Алаѓозовски, Милан Точиновски, Јован Стефанов и Тошо Филиповски, како и на сите други што се вклучија во разговорите.

Мапата останува отворена за дополнувања. Ако некого ненамерно сме изоставиле или погрешно сме навеле податок, пишете ни на contact.arno.mk@gmail.com — секое сеќавање може да помогне да ја составиме пошироката приказна.

Просторните траги се дополнети од „Алтернативно Скопје во 1990-тите“ ↗. Нејасните локации се означени одделно и очекуваат дополнувања.

Автор и уредник на проектот: Бранко Прља (Арно.мк/Временска капсула).

„Електронско Скопје“ е сестрински проект на „Алтернативно Скопје во 1990-тите“ ↗.

Контакт: contact.arno.mk@gmail.com

ДОДАЈ ЈА СВОЈАТА ТРАГА

Што паметиш?

Предлогот ќе го испратиш по е-пошта до Арно.мк. Ништо не се објавува автоматски.

Наведи што знаеш од лично сеќавање, а што од документ. Фотографии и флаери можеш да приложиш во е-поштата.

КАКО СЕ ЧИТА МАПАТА

Точка, зона, сеќавање.

Полниот маркер означува локација на познат објект. Кружниот испрекинат маркер е работна или приближна точка. И кога објектот е познат, точната сала или поранешниот влез може да не е утврден.

The Club и House of Jazz ја делат истата приближна зона во „Буњаковец“. Тоа не докажува дека биле во ист дуќан.

Местата без координати се во индексот. Ако го паметиш точниот простор, отвори го профилот и испрати дополнување.