|
|
 На 31-ви
март во 20:30ч, во Културниот центар Точка, во рамки на годинешниот
Queer Square Skopje, МАССО организира изложба на шпанскиот фотограф
Guillermo Martinez.
Guillermo Martinez, роден во Мадрид 1979 година, е магистер по
Историја и дипломиран педијатар. Тој е ЛГБТК активист во Шпанија, а
со особен интензитет работи во градот во кој живее, Гвадалахара.Тој
веќе има организирано неколку изложби во Гвадалахара, во рамки на
VISIBLE, ГЛБТК Интернационален Културен Фестивал.
Со изложби започнува во Рејкјавик, каде што има живеено една година,
со самостојна изложба во Gallery Geysir и во Performance Art Week во
Contemporary Art Museum (2001). Неговиот последен проект беше во
Агадир, Мароко, каде што посети едно средно училиште, одржа говор за
ХИВ-превенција, и заедно со учениците изработуваше фотографии кои
тој ги подготвува за изложба насловена како АГАДИР ПРОТИВ СИДА.
За време на изложбата за музиката ќе бидат задолжени диџеите на
Офпоп, Јане и Мартин.
|
