|
|
Проекцијата
на филмови од Крис Маркер ќе се одржи во вторник (26.12) со почеток во
20.30 во Културниот центар Точка. На проекцијата ќе бидат прикажани
три филма (Пристаниште, 2084 и Астронаути) со вкупна должина од 60
минути.
Крис Маркер е француски режисер, писател, фотограф, автор на
документарни филмови и мултимедијален уметник. Најмногу е познат по
филмовите Пристаниште (La Jetée), Sans Soleil и АК, документарен филм
за јапонскиот режисер Акиро Куросава.
Маркер има студирано филозофија кај Жан Пол Сартр, за по Втората
светска војна да се посвети на пишување и режирање филмови.
Станува светски познат по снимањето на филмот Пристаниште (1962). Во
филмот се раскажува приказната за пост-нуклеарен воен експеримент за
патување низ времето, преку користење низа фотографии. Во филмот
воопшто не се користат дијалози, и е раскажан со глас во оф.
Инспириран е од сцена во Вртоглавица на Алфред Хичкок. Филмот има
послужено како инспирација за 12 мајмуни на Тери Гилијам.
Крис Маркер живее во Париз и не дава интервјуа. Кога му бараат да даде
фотографија, често место својата нуди фотографија на мачка.
|
