|
|
Звукброда е студио за обликување звук и
слика. Основачи се Домислав Домес и Иван Слипчевиќ. Постојат од 2000
година. Звукброда се резиденцијални уметници на нет.културниот клуб
Мама, ко-основачи на издавачката куќа EGOBOO.bits и значајно име на
хрватската клупска сцена. Овој епитет го имаат добиено благодарение на
настапите во живо на сите поважни клупски вечери во Хрватска, како и
на различни фестивали во странство.
Музиката што Звукброда ја создаваат најдобро може да се одреди како
deep house. Нивните звучни и визуелни материјали покажуваат како
дигиталните алатки што тие ги користат овозможуваат брзо, едноставно и
евтино производство, па затоа нивните настапи во живо секогаш
изгледаат свежо и поинакво.
Звукброда објавуваат под gnu gpl лиценцата (copyleft) за етикетата
EGOBOO.bits. gnu gpl лиценцата значи дека нивните материјали слободно
можат да се користат, да се модификуваат и дистрибуираат во сите свои
деривации под еден услов: да останат достапни на јавноста под истите
услови, т.е. лиценцата да не им се менува.
Звукброда досега, во рамки на издавачката куќа EGOBOO.bits. имаат
објавено четири музички изданија “0301”, “0601”, “тТРИ” и “аеробик”,
како и неколку изданија достапни само на страниците на EGOBOO.bits:
"1001", "premantura", "live mama 0102", "live mmc", "live
otv bozic", "oprosti, sam malo", "tmp 2003", "deep and chicken live",
"sbtG", "live karlovac", "tmp 2004", "frequency live" i "btc".
Нивната музика и музичките семплови може да се најдат на:
►
http://www.egoboobits.net/ZvukBroda
►
http://www.egoboobits.net/ZvukBroda-Izdanja
Музиката што се наоѓа на овие интернет адреси слободно може да се
снима, копира и преработува.
Влезот за концертот на Звукброда во Културниот центар Точка е
слободен.
|
