Точка

"ТУРЛИТАВА", Искра Беличанска
изложба на стрипови
 

Во продолжение е поместен текстот од каталогот на Д-р. Кирил Темков:

Од “Искра со нови идеи”

...графички листови како своевидна илустрација на зборовите на својот сопруг Дани Каваш*. Врз неговите остри, постмодерни, кратки литературни истражувања Искра гради философски стрип, во кој ликовноста е во ефектна служба на идејата. Духот на современиот човек е насочен кон широко размислување, кон самосознание и кон критика. Новата култура инсистира тоа да не биде само говорен дискурс, туку да биде проследен со сите средства на духовната комуникација. А ни видеото, музиката, перформансите, разните визуелни творби не се стегаат пред литературниот концепт, тој е мошне често нивна основа. Стриповите на Беличанска се направени на еден графички лист, стандардизирано, за да се претстави единственоста на проектот. Ликовите, позицијата на собеседниците, духовните пресврти и начините на претставување на искачувањата на малечките херои, формата на насловите и впишувањето на зборовите, сето тоа покажува колку фината ликовност може да ја надогради идејата. Стриповите на Искра се философски интонирана визуелност.
Идеите и едноставниот, прецизен, но силен цртеж одат заедно и градат единствени духовни дела. Донесувајќи значајни социјални и анрополошки дилеми и резимеа, ги разгалуваат своите читатели/гледачи, интелектуално ги поттикнуваат, го охрабруваат критичкиот став и даваат верба во моќта на современиот дух и уметност. Насловот “Турлитава” не зборува толку за мешавината на стилските определби, колку за духовната сила која извира од поврзаноста на ставовите, на сознанијата и на високите спиритуални цели на авторката.

* На оваа изложба во Скопје, проектот продолжува со својот живот. Инспириран од цртежите на Искра Беличанска, Никола Маџиров пишува нови текстови, и стрипот добива сосема ново текстуално значење.


Биографија на Искра Беличанска
Погледнете некои од стриповите на Искра Беличанска