Точка

Цртежи од Елена Панајотова

 

ЕЛЕНА ПАНАЈОТОВА
Родена 1964 во Софија, Бугарија. Живее и работи во Софија
Образивание: 1983-89 Академија за ликовни уметности, Софија (сликарство) 1978-83 Средно училиште за ликовна уметност, Софија. Член на Сојузот на уметници на Бугарија од 1997.

Дела во колекции: Национална уметничка галерија, Софија (Бугарија); Градска уметничка галерија Софија (Бугарија); Уметничка галерија Балчик (Бугарија); Arizona University, School Of Fine Arts (USA); MGLC (International Graphics Center), Љубљана (Словенија); Bokartas collection, Вилнус (Литванија) (www.arts.lt); Cultural center “Les Subsistances”, Лион (Франција) (www.les-subsistances.com); приватни колекции во Бугарија, Германија, Франција, Израел, Швајцарија, Турција, Италија, Австрија, Романија и др.

Адреса: Патријарх Евтимиј 30, 1000 Софиа, Бугарија
тел.: +359.2. 981 38 87, 868 30 62; +359.(0) 888.79 54 20
e-mail: nefertiti@poshta.net; elenkata1@hotmail.com

             

Самостојни изложби:

2004 Truth Is Not Beauty, Културен центар Точка, Скопје (Македонија); We Are Equal (States of Freedom), Галерија Ирида, Софија (Бугарија);
2003 Constructed Beauty, Kunstverein, Баден (Австрија) (со Клаудија Мариа Луениг; 9. Октомври, Галерија Art 36, Софија (Бугарија) (со Божидар Бончев);
2002 hotmail.ep (private correspondence), Галерија Art 36,  Софија (Бугарија); Градска уметничка галерија, Плевен (Бугарија); Нема потреба за објаснување, Фото Факт Галерија, Скопје (Македонија), Цртежи, Vita Gallery, Берн (Швајцарија); States of Freedom, Museumsquartier, MQ 21, Виена (Австрија) (www.kulturkontakt.or.at);
1999 The Lucid Dreams Of My Grandmothers, Kaire-Desine  Gallery, Вилнус (Литванија);
1998 Игри со бои, Галерија ТЕД, Варна (Бугарија); A Bit In Jest, A Bit In Earnest, Галерија AVE, Софија (Бугарија);
1997 Светот по Нора, Галерија Ata-ray, Софија (Бугарија); Works On And Out Of Paper, Амбасада на Швајцарија, Софија (Бугарија);
1996 Domestic Objects, Галерија Art 36, Софија (Бугарија);
1994 After Balchik, Галерија Art 36, Софија (Бугарија); Silence & Sounds, Bavarian-Bulgarian Trade Bank, Минхен (Германија);
1993 Paintings & Drawings, Industria Gallery, Вупертал (Германија);
1991 Silent Music, Галерија Art 36, Софија (Бугарија); 
1989 Fabrics And Prints, Градска уметничка галерија, Балчик (Бугарија).


од рецензијата на Маја Чанкуловска

Уметноста на бугарската сликарка Елена Панајотова може да се опише како формално непретенциозна, уметност која без дополнителни коментари веднаш го задржува вниманието со својот добродушен потсмев и свежина. Образована како сликар, таа со исклучително прецизна рака работи во два спротивставени медиуми: наизглед безвремени цртежи со молив и весело обоени инсталации на секојдневни објекти, а во последно време ја користи и фотографијата. Нејзините дела се меланхолични и реферираат на сигурноста на домот, а изложени во галерија, добиваат форма на потрага по емоционално сигурен свет. Често се разликуваат меѓу себе, но не во смисла на творечки дисконтинуитет. Оди води кон избегнување на замките на веќе решени проблеми.
Елена Панајотова се интересира за природниот ритам на обликот, светлото и сенката, орнаментите и формите и се обидува на нежен начин да го предизвика гледачот да ги мобилизира сите чувства, мисли, фантазија и сеќавање. Користи различни, најчесто "стари" техники - молив, темпери, рачно боење на фотографиите, шиење и везење, кои бараат техничко познавање, но и големо трпение при изведувањето на уметничкото дело.
Прецизноста на Елена Панајотова особено доаѓа до израз во големите енциклопедиски цртежи и сериите анатомски цртежи. Тука ги конфронтира духовните и физичките потреби, односно ги интерпретира фактите подлабоко отколку што тоа го прави науката.
Во делата на оваа авторка елементите и предметите добиваат сакрална смисла. Цртежите раскажуваат приказни за свет на фантазии. Во особена атмосфера, налик на театар, протагонистите се поставени пред илузионистичка сценографија, но за разлика од театарот, не се движат и не зборуваат. Костимираните ликови се неподвижни, ги прегрнуваат нивните музички инструменти или се замислени и со фиксирани погледи се загледани во далечина. Класично нацртаните глави наликуваат на раните ренесансни фрески, мозаикот на орнаменталниот фон и облеката асоцираат на Виенската сецесија, начинот на нанесување боја реферира на атмосферата во византиските икони, во комбинација со детали од секојдневното опкружување. Различните културни традиции се подлога за нејзините дела - таа комбинира различни стилови за да создаде нов еклектичен свет кој е вообличен исклучиво од нејзината фантазија со современа саркастична меланхолија.