|
Изложба
Александар Богданов - Чоки
Помеѓу денот и ноќта
|
На
својата прва самостојна изложба
Александар Богданов се
претставува со дваесетина
графики и неколку слики
изработени во последниве две
години. Можат да се воочат
сличности, но и разлики во делата
кои, пред сè, претставуваат
целина сами за себе и, како што
сугерира и самиот наслов, го
рефлектираат периодот помеѓу
денот и ноќта. |
Графиките
(најмногу
литографии) се сложени и контрастни во
употребата на сликарските и
формалните елементи, а претставите се
движат од скоро реалистични портрети
до сложени алегориски композиции.
Изобилуваат со комплексни психолошки
претстави на човековите состојби кои
егзистираат некаде помеѓу
денот и ноќта, донекаде
метафизички искуства, но и со
секојдневни теми и настани изразени
преку извесна нарација и силно
изразена симболика. Комбинирајќи ги,
сепак, апстрактната фигурација,
препознатливите знаци и
орнаменталните/вегетативни елементи (искористени
најмногу како декоративен момент) со
симболичката употреба на боја за
изразување на психолошките и
духовните состојби, ја претставува
мачнината, траумата, отсуство на
смислата, апсурдноста, очајот, стравот...
Бојата функционира како основа во
сликите и се третира многузначно: како
изразен (експресивен) материјал, како
средство за асоцијативни и архетипски
експресии на индивидуалните и
субјективните психолошки и духовни
состојби, но и како декоративен
елемент за решавање на плохата на
сликата.
Понекогаш наивен и прочистен,
понекогаш брутален и со многу
елементи, најчесто експериментален и
сè уште истражувачки, светот во
сликите на Александар Богданов е
истовремено свет на детската
фантазија но и простор на чувствување
на егзистенцијалната драма на
современиот човек.
Маја
Чанкуловска
|
