|
Поетско читање на
шестмина словенечки поети
|
На
7. 05. 2003, во Културниот центар Точка,
се одржа претставување и поетско
читање на шестмина претставници
на современата словенечка
поезија. Словенечкиот книжевен
контекст го доловија: Бране
Мозетич, Таја Кранбергер, Петер
Семолич, Вера Пејович, Тоне
Шкрјанец и Вида Мокрин - Пауер. |
По поетското читање
следуваше отворена и критична
дискусија. Прашањата што беа допрени
разговор со поетите се однесуваат на
компаративното согледување на
искуствата помеѓу македонскиот и
словенечкиот книжевен и општествен
контекст при што во фокус беа
следните теми: поетското творештво,
професионалниот статус на слободен
уметник, промоцијата и преводот на
националните литератури во
странство, односот на државата кон
творештвото, работата на културните
институции, списанијата и книжевните
манифестации и односот кон
современите животни и општествени
трендови како рејв културата, лезби/геј
сцената и сл.
Организатор и иницијатор на ова
претставување е нашата поетеса
Лидија Димковска, која е воедно и
преведувач на поезијата на
споменатите автори, а која во
моментов живее и работи во Словенија.
|
