|
Аџиевски/Павлески - Кино
Напредок II
|
Проектот
на Аџиевски и Павлески поднесен
на конкурсот за годинешното
Венецијанското биенале, е
протест во однос на магловитото
и затскриено "небаре-образложение"
што националната комисија го
даде во форма на резултат од
изборот за македонски
претставник на биеналето. |
На 18. 04. 2003 година
во Културниот центар Точка, беше
презентиран заедничкиот проект на
Томе Аџиевски и Станко Павлески
насловен како Кино Напредок II.
Овој проект претставува продолжение
на нивниот проект поднесен на
конкурсот за годинешното
Венецијанското биенале, како и
своевидна реакција, па дури би можело
да се каже и протест, во однос на
магловитото и затскриено "небаре-образложение"
што националната комисија го даде во
форма на резултат од изборот за
македонски претставник на биеналето.
Делот со кој Станко Павлески се
претставува е насловен како Диктаторство
од посредувачот - Три бои, што
упатува на потребата од
преиспитување на феноменот на
визуелното диктаторство, односно на
потребата од релоцирање на
чинителите, од уметникот и неговото
дело кон теоретичарите на уметноста,
кои наметнувајќи ги своите фикции во
уметничките процеси вршат своевидно
диктаторство врз уметничкиот текст и
уметничката слобода.
Делот, пак, со кој Томе Аџиевски се
претставува е насловен како Сите
ние сме всушност Албанци и
претставува дел од циклусот Албанците
како метафора предложен за
Венецијанското биенале во горе
споменатиот заеднички проект со
Павлески.
|
