Точка

Жени активистки во прекугранична акција

Проектот Жени активистки во прекугранична акција е тригодишен - од 26 мај до 10 јуни се одржа караван кој патуваше низ бившите југословенски републики и Албанија, а во Приштина, Сараево, Белград и во Скопје беше отворена излжбата на уметнички портретни фотографии на жени активистки од Филип Базин.

Оваа дебата ја реализираме како дел од овој проект, но тој во иднина ќе опфати уште 6 дебати кои ќе бидат спроведени на целата територија на Македонија. Во овој политички контекст во кој што се наоѓаме, ни се чинеше дека е соодветно, дури и неопходно да ја започнеме серијата дебати токму со дефинирањето на нештата/ термините кои толку лесно се употребуваат.

На дебатата ќе земат учество: Јехона Гјургејала - учесничка на караванот од Косово, Андреас Ернст - дописник од Балканот за Neue Zuriche Zaitung, Роберт Алаѓозовски - теоретичар, Линдита Кадриу - новинар, Славица Инџевска - заменик на извршниот директор за здружени програми во ФИООМ. Модератор на дебатата ќе биде Никола Гелевски - уредник на списанието Маргина.
Овој проект го остваруваме во соработка со француската НВО Transeuropeennes и со партнерите од балканскиот регион, а е финансиран од Европската Унија, француското Министерство за култура и од Фондацијата Чарлс Стјуарт Мот.