|
 Во рамките
на манифестацијата 8 невладини организации,
културни институции и уметнички групи, 44 уметници и културни
работници, на 13 локации ќе реализираат 23 културни настани. Ќе биде
организиран и продажен штанд со
уметнички изработки, дела и книги од десетина издавачки куќи. Со овој
настан, партнерите се вклучуваат во манифестацијата Велес - град на
културата, во организација на локалната самоуправа од Велес.
Културните настани ќе се одвиваат со полн интензитет, на неколку места
истовремено: неколку изложби, улични акции, видео презентации,
промоции на книги, аудио перформанси, слем поезија, филмски проекции,
панел дискусии. Во рамките на офанзивата ќе постои и изложбен и
продажен салон на културни артефакти: уметнички дела, книги, необични
креативни производи. Продажниот салон го организираме затоа што покрај
креативниот важен ни е и елементот на одржливост на културата. Сметаме
дека македонските граѓани, и покрај лошата економска состојба, се
заинтересирани за културни продукти, доколку тие се со достапна цена и
доколку им се достабни. Елементот на дифузија и дистрибуција на
културните артефакти е целосно запуштен во земјата, особено надвор од
Скопје не постои понуда ниту на книги ниту на други уметнички дела, не
само од областа на ликовната уметност туку и од областа на
креративните изработки.
|
