|
Изложбата "четири авторки - четири погледи" во
Струмица
|
|
Во петок, 09.07.2004 година,
во 20,
30 часот,
во просториите на
Уметничка галерија при Домот на културата во Струмица се
отвори изложбата "Четири авторки - четири погледи", на која
беа претставени четири млади македонски уметнички (Наташа
Андонова, Гордана Вренцоска, Емилија Божиновска, Ирена
Паскали, куратор: Маја Чанкуловска).
|
Изложбата
"Четири авторки
- четири погледи" ќе презентира по неколку дела од секоја авторка, кои
се избор од нивните самостојни претставувања во Културниот центар
"Точка" во Скопје во периодот 15.10.2003 - 14.05.2004.
Претставените уметнички се разликуваат по својот израз (Наташа Андонова
- цртеж, Емилија Божиновска - колаж, Гордана Вренцоска - слики,
Ирена Паскали - видео) и според проблемите кои ги разработуваат
зафаќаат различни дискурси од современата уметност.
Наташа Андонова и Емилија Божиновска ги разработуваат чисто
ликовните проблеми и на одреден начин се "навраќаат" кон "старите"
техники. Кај Наташа Андонова (р. 1974 г. во Скопје, дипломирала 1999
година на ФЛУ - Скопје, сликарски оддел со насока модно креирање)
присутна е само фигурацијата, а сите цртежи се изработени во техника
јаглен на хартија. Изборот на јаглен заради неговиот сензибилитет,
ја враќаат оваа авторка на почетоците на изучувањето на уметничките
техники, а определбата да ги истражува повторно и повторно
можностите единствено не јагленот и на црно-белите контрасти е на
одреден начин спротивставување на се почестото запоставување на оваа
техника во современите трендови.
Емилија Божиновска (р. 1973 во Скопје, дипломирала 1999 на ФЛУ -
Скопје, сликарство со насока модно креирање) е претставена со
апстрактни колажи од нејзината изложба "Чудна шума - втор дел".
Колажите се различни и ги има од неколку фази; тоа се композиции од
разиграни растителни форми кои со ритмичкото повторување на мотивите
асоцираат на визуелна поезија. Разбрануваните аморфни (поретко
строго геометриски) форми во најновиот проект на Емилија Божиновска
претставуваат продолжение на идејата која ја развива уште од
студенските денови, идеја генерирана од значењето на шумата.
Сосема спротивно од нив,
Гордана Вренцоска и Ирена Паскали разработуваат социјални и
политички теми.
Гордана Вренцоска
(р.1973
г.
во Виница,
дипломирала
1997
г.
на ФЛУ
-
Скопје,
отсек сликарство,
насока модно креирање)
се претставува со дел од изложбата
"Преписка".
Круцијалниот елемент во овие слики е комуникацијата,
односно размената на информации.
Во случајов коресподенцијата/преписката
се разгледува во нејзиниот негативен аспект,
како строго деловен процес,
без дијалог,
како еднострано испраќање информации.
Прикажувањето е засновано на цитирање,
монтажа,
колаж,
симулација;
изобилува со асоцијативни објекти-симболи,
иконички и параиконички,
знаци и метафори,
а нагласените поп-артистички
формални решенија
(асамблаж,
реадѕ-маде)
повторно се во служба на критика на консумеризмот.
Ирена
Паскали
(р.1969
г.
во
Охрид,
дипломирала
2000
г.
на
ФЛУ
-
Скопје,
педагошки
оддел)
ќе
биде
претставена
со
видеото
"На
ова
дно".
Ова
видео
е
кратка
документарна
приказна
за
апсурдноста
на
меѓусебната
(не)толеранција
и
(не)прифаќање
на
две
религии
кои
се
географски
детерминирани.
Прикажан
е
вечниот
судир
на
културолошки
различности,
а
преку
документарни
снимки
на
настаните
од
(и
околу)
2001
година
се
укажува
на
сличностите:
сличности
во
ритуалите,
во
прославите,
но
и
сличности
во
меѓусебното
уништување
и
страдање.
Приказната
ги
маркира
актуелните
општествени
промени
и
нивното
влијание
врз
субјектите
на
ова
општество.
Изложбата и дебатата се во организација на КОНТРАПУНКТ,
Скопје
во соработка со Домот на културата во Струмица. |
|
|
|
|
