Топ 10 научници и чудни факти за нив

Галилео Галилеј

Галилео (1564–1642) е италијански научник кој направил многу откритија во физиката и астрономијата. Галилео е „татко на модерната наука“.

ЧУДЕН ФАКТ: Средниот прст од десната рака на Галилео е изложен во Музејот Галилео во Фиренца, Италија.

Исак Њутн

Њутн (1642–1727) го открил законот за гравитација и законите на движење. Тој, исто така, го развил калкулусот и го изградил првиот рефлектирачки телескоп.

ЧУДЕН ФАКТ: Поминал една година како пратеник во британскиот парламент, а станал само еднаш да зборува – за да може да каже некому да затвори прозорец.

Грегор Мендел

Мендел (1822–1884) бил австриски монах и основач на генетиката. Открил како функционира наследноста со експерименти со грашок.

ЧУДЕН ФАКТ: Мендел навистина сакал да биде професор во средно училиште. Но, двапати паднал на официјалните наставни испити.

Чарлс Дарвин

Дарвин (1809–1882) бил англиски натуралист кој ја осмислил теоријата на еволуцијата која вели дека сите видови на живот еволуирале од заедничките предци.

ЧУДЕН ФАКТ: Дарвин и Абрахам Линколн се родени на ист ден, 12 февруари 1809 година.

Луј Пастер

Пастер (1822–1895) бил француски хемичар кој е познат по тоа што открил што ги предизвикува болестите. Тој го измисли терминот „вакцина“ и создал вакцини кои спасија многу животи. Кога пиете пастеризирано млеко, тоа е поради Луј Пастер.

ЧУДЕН ФАКТ: Толку се плашел да не се зарази што никогаш не се ракувал со никого, дури ни со кралеви и кралици.

Џорџ Вашингтон Карвер

Карвер (околу 1861–1943) е роден како роб и станал светски познат ботаничар и пронаоѓач. Карвер работел многу со кикиритки, слатки компири и соја, и сфатил како да ги искористи за да направи белило за лице, карамела, чили сос, лепак, мастило, метален лак, хартија, пластика, гума, шампон, крем за бричење, лак за чевли, пудра за лице и многу други производи.

ЧУДЕН ФАКТ: Многу луѓе мислат дека Џорџ Вашингтон Карвер го измислил путерот од кикирики, но тој веќе постоел со векови. Но, тој помогнал да стане популарен.

Марија Кири

Марија Кири (1867–1934) била француска физичарка со полско потекло, која го измислила зборот „радиоактивност“ и го открила радиумот. Таа била првата жена што ја добила Нобеловата награда, и тоа два пати!

ЧУДЕН ФАКТ: Тоа што ја прославило и ја убило. Таа починала поради изложеност на радиоактивноста.

Алберт Ајнштајн

Ајнштајн (1879–1955) е физичар роден во Германија, кој е познат по својата теорија на релативноста. Тешко дека некој ја разбира релативноста, но таа има врска со светлината и брзината, времето и универзумот!

ЧУДЕН ФАКТ: Откако умрел, мозокот на Ајнштајн бил украден! Лекарот што го прегледал му го зел мозокот и го чувал повеќе од четириесет години.

Едвин Хабл

Хабл (1889–1953) е американски астроном чие истражување помогнало да се докаже дека универзумот се шири. Вселенскиот телескоп Хабл е именуван во негова чест.

ЧУДЕН ФАКТ: Едвин Хабл пораснал во Мисури, но подоцна почнал да зборува со англиски акцент, да носи наметка и да шета со луле за луѓето да мислат дека е Британец.

Грејс Мареј Хопер

Хопер (1906–1992) е американска компјутерска програмерка и пионерка на компјутерски јазици. Подоцна станала адмирал во американската морнарица.

ЧУДЕН ФАКТ: Таа е поврзана со зборовите „бубачка“ и „де-бубачка“ (bug and debug). Таа имала проблем со компјутерот на морнарицата, па го отворила компјутерот за да открие што не е во ред. Се испостави дека во него имало молец. Тоа била првата (буквална) компјутерска грешка.

---

Од книгата: My Weird School Fast Facts: Space, Humans, and Farts