Сè што сте сакале да знаете за Меркур, а сте се плашеле да прашате!

Во кусото видео подолу се наведени основните факти за планетата Меркур кој секој (кој има завршено трето одделние) би требало да ги знае!

Дознајте повеќе факти и фикции поврзани со планетата Меркур во едукативното прозно дело на Бранко Прља „Досие: Планета Икс“.

1.Korica.jpg

Значи, оваа планета, позната од антички времиња, е именувана според гласникот на римските богови Меркур.

Таа е најмалата планета во Сончевиот систем, со дијаметар од речиси 5.000 км (4879 ако сакате поточно), а тоа е еднакво на големината на континенталниот дел на САД!

Меркур е карпеста планета со железно јадро кое сочинува 85% од неговиот радиус.

Оддалечена е од Сонцето „само“ 57.9 милиони километри. Поради таа близина силните сончеви ветрови ја „бркаат“ атмосферата и Меркур има само ретка и далечна егзосфера од кислород, натриум, водород, хелиум и калиум.

Поради тоа (недостаток на ефект на стаклена градина кој го одржува животот на нашата планета, но и предизвикува глобално затоплување) температурата на површината може да се искачи до 427 °C во текот на денот, и да падне на -173 °C ноќе.

Близината на Меркур до Сонцето е исто така причината за старата репутација дека е брз и минлив (откаде потекнува и името). Со просечна брзина од над 47.4 км/с на час, Меркур орбитира околу Сонцето за само 88 дена.

Досега го посетиле само две вселенски летала, Mariner 10 (1974/1975) на НАСА и MESSENGER (2011/2015). Вселенското летало BepiColombo (мисија на ESA и JAXA) треба да пристигне до Меркур во 2025 година кога се очекуваат нови сознанија за оваа планета.

Напишете коментар

Вашата адреса за е-пошта нема да биде објавена. Задолжителните полиња се означени со *