8 работи кои може да ги направи секој за да го намали aерозагадувањето!

Не греј се на дрва. Не само заради заштеда, туку заради здравјето. Истражувањето потврдува дека во домовите кои се грејат на дрва е 60 до 120 пати позагадено отколку надвор. Ако се грееш на дрва во буквална смисла на зборот се труеш себеси. Информирај ги и другите за штетноста и опасноста на греењето со дрва.

Вози автомобил на плин – ем еколошко, ем најефтино! Нашата земја е далеку од електрични автомобили и засега “плинот” е најеколошка опција.

Засади дрво! Никој нема да ти каже не ако сакаш да засадиш дрвце зад твојата зграда. Алтернатива е да засадиш дрво каде било.

Вози велосипед – секогаш кога имаш прилика. Попросто, здравје!

Користи јавен транспорт. Не биди од тие што го „палат” автомобилот за да одиш до продавница. Не мора секогаш и секаде да одиш со автомобил.

Image result for ecology

Не користи пластични кеси! Пластичните кеси се лесно достапни, (најчесто) бесплатни и сеприсутни! Прават голем дел од отпадот, не е исплатливо да се рециклираат, нѐ трујат нас и околината.

Селактирај отпад и компостирај. Кога селектираш придонесуваш помал дел од отпадот да оди на депонии каде што со распаѓањето испушта штетни гасови и се гори и нѐ загадува.

Користи помалку амбалажи. Прави домашни сокови, пластиката не е добра за тебе, ниту за природата! Постојат фирми кои ти носат млеко, јогурт, кисело млеко до дома во повратна стаклена амбалажа. Што помалку отпад на депониите – тоа почист воздух!

Напишете коментар

Вашата адреса за е-пошта нема да биде објавена. Задолжителните полиња се означени со *