WALL-E стана реалност!

RoCycle е најнов робот кој може да ја сортира хартијата и пластиката со помош на допир! Дали тоа ве потсетува на нешто?

Анимираниот филм WALL-E (2008) е емотивна приказна за малиот робот кој собира отпадоци кои ги оставиле луѓето на напуштена планета откако не можеле веќе да се справат со отпадоците. Се работи за моќна порака и предупредување за сегашноста и иднината.

Единствено решение е рециклирањето и што повеќе работиме на тоа прашање ќе ни биде подобро. Мора да селектираме правилно и да рециклираме соодветно. Лично сум пишувал на оваа тема во повеќе наврати.

RoCycle е интересен и практичен асистент за рециклирање кој користи сензори на неговите роботски раце за да ја одреди природата на тоа што го сортира. Параметрите според кои го прави тоа се: големина, цврстина, еластичност и присуство на метали. Рацете на роботот се програмирани како лева и десна заради поголема подвижност.

Сепак, и покрај се, неговата точност е 85 проценти кај статични објекти, а 63 на лента која се движи, а да не зборуваме за комплексните реални ситуации. Што ако некој стави лименка од кока-кола во кутија од пица? Следниот чекор е спојување на сензорите за допир со тие за вид.

Се предвидува дека во иднината оваа технологија ќе го смени рециклирањето, но уште е рано за тоа.

Напишете коментар

Вашата адреса за е-пошта нема да биде објавена. Задолжителните полиња се означени со *