8 интересни факти за книгата “The Catcher in the Rye”

Интересно е кога некој автор доживува голем успех со едно дело, а понатаму се повлекува од јавноста. Причините може да се различни, од неспособноста да се соочи со славата до притисокот да создаде поголемо дело.

Но, што значи терминот „големо дело“? Позната е приказната за Мона Лиза на Леонардо да Винчи која стоела во музејот Лувр со години и никој не ѝ посветувал особено внимание – се работело за уште еден портрет од Ренесансата – додека не била украдена во 1911 година. По голема потрага и медиумска покриеност на настанот во кој дури и Пикасо бил обвинет, се создала речиси митска претстава за убавината на Мона Лиза. По пронаоѓањето на сликата и на виновникот – еден италијански столар – таа била однесена на голема турнеја во родната Италија пред да ја вратат во музејот. Оттогаш мистеријата околу сликата лебди над човештвото како некој недофатлив дух.

Таква е и приказната за делото The Catcher in the Rye на Џ.Д.Селинџер, за кое пренесуваме неколку интересни факти.

  1. Продадени се 65 милиони примероци од делото, 250.000 секоја година.
  2. Кога ја издал книгата, писателот ја напуштил земјата за да не чита критики, ги уништил писмата од читателите и одбивал интервјуа.
  3. Сакал или не, оваа книга доживела голем успех, особено по убиството на Џон Ленон од човек кој бил опседнат од книгава.
  4. Се работи за дело кое било забранувано заради тоа што е: против белците, вулгарна, анти-морална, поттикнува на бунт итн.
  5. Селинџер ја почнал книгата како војник во Втора светска војна и ја завршил откако бил пуштен од психијатриска болница каде бил заради депресија и синдром на пост-трауматски стрес.
  6. Авторот не сакал неговото дело да биде филмувано, но филмаџиите не ги почитувале неговите желби и по неговата смрт е снимен Rebel in the Rye (2017) кој не бил добро оценет од критичарите.
  7. Селинџер продолжил да пишува и по успехот (за разлика од Харпер Ли, авторката на еден од најпознатите американски романи To Kill a Mockingbirdсепак, тоа е тема за друг текст), но наскоро престанал да ги објавува делата.
  8. Годинава неговата сопруга и синот имаат дадено изјава дека во следната деценија ќе ги објават сите негови необјавени дела од 1965 до 2019 година.

Напишете коментар

Вашата адреса за е-пошта нема да биде објавена. Задолжителните полиња се означени со *